5 жасар қыздың өліміне кінәлі Татьяна Семченко 2 жыл 6 айға сотталды
Алматыда 5 жасар қыздың өліміне әкелген көлік апатына кінәлі Татьяна Семченко екі жарым жылға сотталды. Қылмыстық істі қараған Әуезов аудандық соты бүгін осындай үкім шығарды. 46 жастағы Семченко жазасын қоныс колониясында өтейтін болады. Судья Бақытжан Есенов кінәлі азаматшаның жазасын өтеу мерзімі 2015 жылдың 20 мамырынан бастап есепке алынатынын мәлімдеді. № 58 балабақшадағы көлік апаты дәл осы күні болған еді. Оқиға салдарынан бір бала көз жұмса, тоғыз бүлдіршін әртүрлі дене жарақаттарын алған. Алайда сот қылмыстық іс бойынша тек үш адамды жәбірленуші ретінде таныған. Жеңіл жарақаттанған басқа балалардың ата-аналарының арыздары Әкімшілік құқық бұзушылық кодексімен қаралады. Сот отырысы аяқталған соң, Татьяна Семченконың адвокаты дүйсенбі күні сот үкіміне қарсы шағым беретінін айтты. Бақытжан Есенов, Алматы қаласы Әуезов аудандық сотының судьясы -Семченко Татьяна Николаевнаны қылмыстық құқық бұзушылық жасағаны үшін кінәлі деп танып, ҚР Қылмыстық кодексінің 345 бабының, 3 бөліміне сай 2 жыл 6 айға бас бостандығынан айыру жазасы тағайындалады. Мерзімін қоныс колониясында өтеп, 5 жылға автомобиль жүргізу құқынан айырылсын.
Название:
5 жасар қыздың өліміне кінәлі Татьяна Семченко 2 жыл 6 айға сотталды
Категория:
Разное