Абдрахманова Айгерим Калымхановна
Тақырыбы: «Бестемше» ұлттық ойынын робот Botley-мен ойнау арқылы 5-6 жастағы балалардың логикалық және танымдық дағдыларын дамыту Өзектілігі: Ұлттық құндылықтарды сақтау мен оларды заманауи технологиялармен ұштастыру. Әдістеменің ерекшелігі – ұлттық ойын мазмұнын заманауи робототехника элементтерімен үйлестіру. Бұл балалардың оқу іс-әрекетіне деген қызығушылығын арттырып, ойын арқылы білім алуға жағдай жасайды. Сонымен қатар, балалар ұлттық мұраны танып-біле отырып, қазіргі цифрлық технологияларды қолдану дағдыларын меңгереді. Жаңашылдығы: ұлттық ойын мен робототехниканы біріктіру. Мақсаты: Ұлттық «Бестемше» ойынын Botley роботымен ұштастыру арқылы балалардың математикалық сауаттылығын, логикалық ойлауын және кеңістікте бағдарлау дағдыларын дамыту. Роботтың қозғалыс бағытын бағдарламалау арқылы санау, сандарды салыстыру, жүріс ретін жоспарлау және ұлттық ойынға деген қызығушылығын арттыру. Міндеттері: 1. Балаларды «Бестемше» ұлттық ойынының ережелерімен таныстырып, Botley роботын басқару арқылы ойын барысын меңгерту. 2. Санау, сандарды салыстыру, математикалық амалдарды орындау және кеңістікте бағдарлау дағдыларын жетілдіру. 3. Роботтың қозғалыс бағытын жоспарлау арқылы логикалық ойлауын, зейінін және алгоритмдік дағдыларын дамыту. 4. Ұлттық ойынға қызығушылығын арттырып, қазақ халқының дәстүрлері мен мәдени құндылықтарын құрметтеуге тәрбиелеу. Күтілетін нәтижелер: логикалық тапсырмаларды өздігінен орындай алады; санау, салыстыру және топтау дағдыларын меңгереді; кеңістікте дұрыс бағдарлай алады; қарапайым алгоритмдер құрып, Botley роботын бағдарламалай алады; танымдық қызығушылық пен зерттеушілік белсенділік көрсетеді; ұлттық ойындарға қызығушылығы артады.
Название:
Абдрахманова Айгерим Калымхановна
Категория:
Разное