Гайты Зауыр нысангонд ӕрцыд Цӕгат Ирыстоны хицауады сӕрдары хӕдивӕгӕй

Сæрмагонд Указ бафыста Сергей Меняйло. Гайы-фырт куыста Уӕрӕсейы фæсарæйнаг хъуыддæгты министрады системæйы, 2019-æй 2022-æм азмӕ уыд фӕсарӕйнаг командировкӕйы, ахста Уӕрӕсейы Федерацийы Минӕварады ӕртыккаг секретары бынат Никарагуайы. 2023-æм азӕй ног бынатмӕ снысан кӕныны онг уыд республикӕйы сӕргълӕууӕджы уынаффӕгӕнӕг. Ис ӕм Цæгат Ирыстоны 2-ӕм къласы паддзахадон уынаффӕгӕнӕджы къласон цин. Уӕрӕсейы фæсарæйнаг хъуыддæгты министрады атташейы дипломатон ранг.