Бӕстӕйы райдыдта Ӕппӕтуӕрӕсеон муниципалон преми «Служение»-йы ног сезон

Бӕстӕйы райдыдта Ӕппӕтуӕрӕсеон муниципалон преми «Служение»-йы ног сезон. Архайыны тыххӕй курдиат бадӕттӕн ис 29-ӕм ноябрьмӕ портал «муниципалитеты.рф»-ыл. Преми ныр 4-ӕм хатт цӕуы. Архайын дзы сӕ бон у муниципалитетты сӕргълӕуджытӕн, депутаттӕн, муниципалон службӕгӕнджытӕн, территориалон ӕхсӕнадон хиуынаффӕйады активисттӕн ӕмӕ бынӕттон ӕхсӕнады иннӕ минӕвӕрттӕн. Фарон республикӕйӕ премийы архайдтой 24 адӕймаджы. Уыдонӕй иу у Дыгуры районы сӕргълӕууӕг Цагъаты Сослан. Йӕ истори номинаци «Лӕгдзинад ӕмӕ хъӕбатырдзинад»-ы бахауд бӕстӕйы 110 хуыздӕр проекты хыгъдмӕ. Цагъайы-фырт фервӕзын кодта, Фыдыбӕстӕйы Стыр хӕсты рӕстӕджы хӕстон гранат чи ссардта, уыцы сывӕллоны. Преми бӕрӕг кӕны, сӕ куыст муниципалитеттӕ рӕзтæн ӕмӕ адӕмы цард фӕхуыздӕр кӕнынӕн кӕмӕн ӕххуыс кӕны, уыцы специалистты. Преми аразджытӕ — Бынӕттон хиуынаффӕйады рӕзты ӕппӕтуӕрӕсеон ассоциаци, Уӕрӕсейы Президенты администрацийы ӕххуысӕй. Ацы аз конкурсы ис 9 номинацийы. Уыдонимӕ — фӕзуӕтты хӕрзвадат, бинонтӕн ӕххуыс, нымӕцон технологиты рӕзт ӕмӕ цӕрджытимӕ куыст.