Залия Аубакирова – Чиксез рәхмәт (Сүз һәм көй авторы: Ландыш Фазуллина).

Быел 21 апрельдә Ураза гаетендә узган «Рухи моң» фестивалендә 1 нче урын алды бу җыр. Чиксез рәхмәт (җыр) 1.Бисмилләһне әйтә җирдә һәрбер агач, «Бисмилләһ»,– дип уянадыр хәтта кояш. Җилләр исә рәхмәт әйтеп Аллаһыга, Төн эленә сәҗдә кылып Раббысына. Кушымта: Раббым бөек, мәрхәмәте чиксез дәрья, Йөрәгеңне мәңгелеккә бәйлә Аңа. Авырлыклар һәм шатлыклар килгәндә дә Бул син, балам, бул рәхмәтле Алаһыңа. 2.Аллаһыга рәхмәтледер бар тереклек: Үз телендә дога кыла кош-кортлар да, Дулкын тулы океаннар бишегендә Тавыш-тынсыз гыйбадәттә балыклар да. 3.Ышанмасаң тыңлап кара диңгез шавын, Урмандагы яфракларның пышылдавын. Раббысына рәхмәт укый бар табигать, Догалары күккә иңә биреп хәят. 4.Аллаһыга рәхмәтледер бөтен җиһан: Киң галәмне нурга күмгән йолдызлар да, Күкне ертып ут чыгарган яшеннәре, Чиләк-чиләк коеп яуган яңгырлар да. 5.Аллаһыны зекер итә эссе чүлләр, Боз юрганына төренгән котыплар да, Рәхимлеген, бөеклеген таный алар. Син дә, балам, рәхмәтле бул Аллаһыңа! Сүз һәм көй авторы: Ландыш Фазуллина Аранжировка ясаучы: Алмаз Асхадуллин Тавыш режиссеры: Роберт Салмин (Music Room Lite) Җырны башкаручы – Залия Аубакирова Ком анимациясе – Алина Хайруллина Монтаж ясаучы – Сергей Густов