Адӕмы иудзинады бонмӕ цымыдисаг мадзал сарӕзтой ветеранты хӕдзары дӕр

"Алыхуызӕттӕ стӕм, фӕлӕ иумӕ стӕм." Адӕмы иудзинады бонмӕ цымыдисаг мадзал сарӕзтой ветеранты хӕдзары дӕр. Уым ацыд камерон концерт. Æрбацæуджытæн сӕ зӕрдыл ӕрлӕууын кодтой бӕрӕгбоны бындуртæ, 400 азӕй фылдӕры размӕ адӕмы иудзинады фӕрцы куыд бантыст знаджы бӕстӕйы сæйраг сахарæй фӕсурын, уый. Уыимæ ма хъуыстысты патриотон зарджытӕ, ӕмдзӕвгӕтӕ, сæ арæхстдзинад равдыстой национ коллективтӕ. Уазджыты 'хсæн сæрмагонд æфсæддон операцийы хæстонтæ, иуӕй-иутӕ та сӕхӕдӕг дӕр архайдтой равдысты. Ахӕм мадзӕлттӕ цӕуынц ӕппӕт республикӕйы дӕр, программӕйы — экскурситӕ, лекцитӕ, сфӕлдыстадон дæсныйадæвдисæг ахуыртæ. Проект ӕххӕстгонд цӕуы программӕ "Активное долголетие"-йы фӕлгӕты ӕмӕ йӕ нысан у ацӕргӕ адӕмы 'хсæн ӕнӕниз царды уаг парахат кæнын.