Хӕстӕгдӕр бонты республикӕйы фӕхъармдӕр уыдзӕн, фӕлӕ фӕлладуадзӕн бонтӕм райдайдзысты къӕвдатӕ

Ӕмӕ нæ программæйы кӕрон — боныхъӕды тыххӕй. Хӕстӕгдӕр 3 боны Цӕгат Ирыстоны фӕхъарм уыдзӕн, нæ уардзæн. Росгидрометцентры бӕрӕггӕнӕнтӕм гӕсгӕ, ӕнӕкъӕвда рӕстӕг республикӕмӕ ӕрбахӕсдзӕн Хъаспийы денджызы 'рдыгӕй антициклон. Ранӕй-рӕтты уыдзӕн асӕст. Дымгӕ секундмӕ 3 метрӕй 8 метры онг. 12-ӕм ноябры ӕхсӕвы температурӕ ӕрхаудзӕн 2 градусы онг. Боныгон та уӕлдӕф схъарм уыдзӕн 11–16 градусы онг. Иннӕ 2 боны ӕхсӕвы уыдзӕн 3-йӕ 8 градусы онг хъарм. 13-ӕм ноябры бонӕй термометр равдисдзæн 18 градусы, 14-ӕм ноябры та фӕхъарм уыдзӕн 21 градусы онг.