Тюлячиинформ

#тюлячи

#тюлячиинформ

#тюлячиинформ

Бүген Ачы авылында яшәүче хезмәт ветераны Надежда Ильинична Федорова үзенең 95 яшьлек юбилеен билгеләп узды. Юбилярны туган көне белән якыннары, авылдашлары, авыл клубы мөдире, авылның медицина хезмәткәре һәм Теләче муниципаль районы башлыгы урынбасары Илдар Мараков тәбрикләде. Надежда Ильинична Сельцо-Завод авылында туып үсә. Ул чор буыннарының тормышына туры килгән дәһшәтле сугыш һәм аннан соңгы авыр еллар илебезнең һәр баласына иртә өлгерәсе булу бурычын куя. Нибары 10 яшьлек кыз бала булса да, ул олылар белән беррәттән «Красный завод» хуҗалыгында, терлекчелек тармагында эшли башлый. Соңрак, Ачы авылына килгәч тә, тормышының барлык гомерен авыл хуҗалыгына, терлекчелек тармагына багышлый... Надежда Ильинична хакында тулырак район газетасыннан укый аласыз.

Кайбер һөнәрләр зур төгәллекне, сабырлыкны һәм җаваплылыкны таләп итә. Токарь һөнәре — шундыйларның берсе. Теләче авылында гомер итүче Яхия  Мансур улының  43 ел буе токарь булып эшләве — хезмәткә тугрылыкның, осталыкның һәм тырышлыкның матур үрнәге. Әлеге  хезмәт юлы дәвамында күпме детальләр эшләнгән, күпме хезмәт көне узган, күпме тәҗрибә тупланган! Һәр эш көне — яңа бурычлар, һәр эшләнгән деталь — үзенә күрә бер нәтиҗә. Үзе кукуруз чәкәне һәм кычыткан турай торган һәм башка төрле җайланмалар ясаган. Аларны хуҗалык эшләрен җиңеләйтү өчен уйлап тапкан. Яхия абыйның тырыш хезмәткә багышланган гомере турында “Теләче” газетасыннан, Зөлфия Ибраһимова язмасында укый аласыз.

Кичә Теләче мәктәбе  укучыларына “Йөзек кашы” әдәби берләшмә әгъзасы  Сиренә Гатиятованың «Шомырт тәме» исемле китабын тәкьдир итү кичәсе узды. Очрашу барышында автор  беренче шигырьләрен язу истәлекләре, китапларын язу серләре белән уртаклашты. Чарада укытучылар, укучылар, үзәк китапханә хезмәткәрләре  катнашты.   - Бәлки сезгә кызык та түгелдер, шигырь тыңлау. Ләкин җитәр шундый вакыт, шушы шигырьләрне укып утырыр яшькә җитәрсез. Безнең дә шундый вакытлар бар иде, без дә, сезнеж кебек, хыялыйлар идек. Татар теле дәресендә безгә рифма белән ритмны өйрәтә башладылар, шигырь төзелеше турында. Бишенче сыйныфта шигырь юлларын санап утырганымны хәтерлим. Ул вакытта газеталарга җибәрә идек шигырьләрне, – диде Сиренә ханым укучыларга эндәшеп. #татмедиа#теләче

Лесной авылында яшәүче Рузалия Габделбәр кызы Гарипова — үз хезмәтенә чын күңелдән гашыйк, авылдашларының зур хөрмәтен казанган үрнәк кешеләрнең берсе. Аның гомуми хезмәт стажы 37 елны тәшкил итә. Кибеткә сатучы булып килгәнче дә, ул урман хуҗалыгының складтында, конторасында намуслы хезмәт куйган. Бүгенге көндә Рузалия ханым авыл кибетендә сатучы булып эшли, әлеге хезмәттә аның 17 еллык тәҗрибәсе бар. Сөйләшү барышында ул кибетнең бүгенге торышы белән дә уртаклашты: «Кибетебездә бар нәрсә дә бар. Элек үзем Казаннан, күпләп сата торган складлардан барып алып кайтсам, хәзер үзләре үк алып киләләр. Ни кирәген белеп, заявка гына язам», — ди ул эшнең уңайлы якларына сөенеп. Кичке җиде-сигезләргә кадәр сатуда булса да, Рузалия апа эш сәгатьләре тәмамлануга гына карап тормый. Алай гына да түгел, ул — үзенең оста кулы белән тәмле икмәк пешерүче дә. Күпереп, кызарып пешкән, хуш исле ипиләрен авыл халкы һәрвакыт яратып ала. Рузалия ханым хакында район газетасының алдагы саныннан укый аласыз.

#тюлячи

#тюлячиинформ

#тюлячиинформ

Ачы туфраклы җирләргә известь кертү - мул уңыш үстерүнең нигезе. Бу эш районыбыз хуҗалыкларында даими башкарылып килә. - Агымдагы елда өч хуҗалыкта 660 гектарда сөрүлек җирләренә 6540 тонна известь кертеләчәк. Бу эш инде тәмамланып килә, аның өчен хуҗалыклар 8433 мең сум финанс чыгымнары тоттылар, - дип хәбәр итә район авыл хуҗалыгы һәм азык-төлек идарәсе җитәкчесе Ралиф Низаметдинов.

#теләче

#теләче

Кайвакыт кешенең гомер юлына күз саласың да, ирексездән сокланып куясың. Тормышның һәр адымын игелек, сабырлык һәм олы җанлылык белән бизәгән шундый шәхесләрнең берсе – Олы Мишә авылында яшәүче хезмәт ветераны Ислам абый Гасимов. Шушы көннәрдә ул 90 яшьлек олы юбилеен билгеләп узды. Меңнәр арасыннан танылып торган аксакалны гомер бәйрәме белән район җитәкчелеге, авылдашлары һәм якыннары чын күңелдән тәбрикләде. Ислам абыйның үткән юлы – яшь буын өчен үзе бер тормыш энциклопедиясе. Ул яшь чагында ук гаилә җаваплылыгын үз иңенә ала. Ил тормышы авыр булган елларда якыннарын кайгыртып, «аз булса да аларга икмәк күбрәк калсын» дигән изге ният белән читкә чыгып китә. Нигез дә аның өчен изге була: ялгыз калган әнисен хөрмәтләп, үзе янына алса да, ана кешенең «монда тора алмыйм» дигән сүзен ишеткәч, әнисенең күңел тынычлыгын барысыннан да югары куеп, туган авылына кире әйләнеп кайта… Ислам абый турында тулырак «Теләче» район газетасыннан укый аласыз.

Бүген Нәфыйга апа Фатхуллина үзенең 90 яшьлек олы юбилеен билгеләп узды. Аны бу күркәм гомер бәйрәме белән якыннары, туганнары тәбрикләде. Район җитәкчелеге дә юбилярга үзенең иң изге теләкләрен һәм рәхмәтләрен җиткерде. Нәфыйга апа Иске Җөри авылында туып-үсә. Барлык чордашлары кебек үк, аңа да балачактан ук бик иртә хезмәткә җигелергә туры килә. Юбиляр хакында тулырак район газетасының алдагы саныннан укый аласыз.

#тюлячиинформ

#тюлячиинформ

#тюлячиинформ

#тюлячиинформ

Үзәк балалар бакчасы балалары